Gjenerali serb, Milan Mojsiloviq ka thënë se nuk i përjashton reagimet ndaj veprimeve të Forcës së Sigurisë së Kosovës në veri.
Ai tha se nëse FSK shkon në veri, atëherë do të reagojnë me ushtri, transmeton Sinjali.
“Nuk e përjashtoj mundësinë që Forca e Sigurisë së Kosovës të angazhohen njëanshëm me qëllim të arritjes së pikëve politike në terren, por kërkesa jonë, insistimi dhe disa gjëra tjera duhet të jenë në funksion të sigurisë, e jo vetëm paqes por edhe gjendjes së sigurisë që garanton popullin tonë në Kosovë, se mund të jetojnë dhe të kenë të drejtën sikurse çdo qytetarë tjetër i këtij vendi”, tha Mojsiloviq, raporton Tanjug.
