Shërbimi Spitalor Klinik dhe Universitar i Kosovës ka njoftuar se në spitalet e përgjithshme dhe klinikat COVID-19 janë duke u trajtuar 10 pacientë pozitivë me koronavirus dhe 34 të tjerë post-covid, raporton Gazeta Sinjali.
Sipas ShSKUK-së, dy prej këtyre pacientëve po mjekohen në kujdesin intensiv të Klinikes Infektive.
Njoftimi i plotë i ShSKUK-së:
Në Shërbimin Spitalor Klinik dhe Universitar të Kosovës po trajtohen 10 pacientë të konfirmuar me covid-19 pozitivë dhe 34 të tjerë post-covid.
Me oksigjeno-terapi janë 11 pacientë, përderisa në mjekimin intensiv të Klinikës Infektive ka vetëm 2 pacientë në mjekim intensiv.
Numri i pacientëve me COVID-19 dhe post-covid, sipas klinikave COVID-19 dhe spitaleve të përgjithshme.
Klinika Infektive, 5 pacientë
Klinika e Pulmologjisë, 30 pacientë post-covid-19
Mjekimi Intensiv në Klinikë Infektive, 2 pacientë
Spital i Pejës, 3 pacientë
Spitali i Gjakovës, 3 pacientë
Spitali i Ferizajt, 2 pacientë
