Sot rreth orës 10:00, në një depo të biznesit privat në fshatin Dobërllukë është hasur një trup i pajetë, shkruan Gazeta Sinjali.
Burimet e Sinjalit rrëfyen se bëhet fjalë për një person të moshës rreth 50-vjeçare, i cili afër vetes kishte një pistoletë dhe ishte i gjakosur në pjesën e sipërme të trupit.
Sinjali mëson se tashmë për rastin janë njoftuar edhe organet kompetente, ndërkaq sipas burimeve nga emergjenca e Vushtrrisë, në vendin e ngjarjes kanë dalë edhe mjekët të cilët e kanë konstatuar vdekjen.
Hetimet preliminare për motiv kanë pistën e vetëvrasjes, thonë burimet e Sinjalit.
Sinjali do t’iu mbajë të informuar.
