Sulmuesi i Malmos, Mohamed Buya Turay humbi dasmën e tij pasi klubi kërkoi që ai t’i bashkohej skuadrës më herët.
27-vjeçari ka nënshkruar për skuadrën suedeze pasi luajti në Superligën kineze si në Hebei China Fortune ashtu edhe në Henan Songshan Longmen.
Transferimi u njoftua nga Malmo më 22 korrik pasi udhëtoi për në qytet, por ceremonia e martesës së tij në Sierra Leone thuhet se u zhvillua më 21 korrik.
Malmo donte që ai të lidhej më shpejt me shokët e tij të skuadrës dhe për shkak se ai nuk ishte në gjendje të ishte në dy vende njëherësh, Turay duhej të merrte vëllanë e tij që të zinte vendin e tij për martesën me të dashurën e tij Suad Baydoun, raporton SportBible, transmeton Sinjali Sport.
Turay postoi tre foto të tij dhe gruas së tij të re në kanalet e tij të mediave sociale, por konfirmoi se ato imazhe ishin marrë para ngjarjes aktuale.
Megjithatë, ai në fakt nuk ka qenë me gruan e tij që kur u martuan zyrtarisht dhe ata shpresojnë për një muaj mjalti më vonë këtë vit.
“Ne u martuam më 21 korrik në Sierra Leone”, tha Turay për Afton Bladet.
“Por unë nuk isha atje sepse Malmö më kërkoi të vija këtu më herët.
Ne i bëmë fotografitë paraprakisht. Kështu që duket sikur isha atje, por nuk isha. Vëllai im duhej të më përfaqësonte në dasmë.
Por unë do të përpiqem ta çoj atë në Suedi dhe Malmö tani që të jetë afër meje. Ajo do të jetojë këtu me mua.”
Turay bëri debutimin e tij për Malmon në Ligën e Evropës të enjten, duke ardhur nga stoli në një fitore 3-0 ndaj Diddeleng.
Ai ka përvojë të luajtur në Suedi, pasi ka fituar Allsvenskan në 2019 ndërsa ishte i huazuar në Djurgårdens IF, ku ishte edhe golashënuesi më i mirë i ligës.
