Era e fortë ka përfshirë disa qytete të Shqipërisë këtë të enjte, sidomos zonat bregdetare dhe veçanërisht Vlorën.
Bëhet e ditur se gjatë orëve të pasdites, në dy raste të veçanta, dy persona kanë rënë nga lartësia si pasojë e erës së fortë, duke përfunduar në spital.
Rasti i parë ka ndodhur në lagjen Pavarësia të Vlorës, ku një 55-vjeçar, duke bërë disa rregullime në tarracën e banesës së tij, ka rënë nga kati i tretë.
Ai është dërguar në spital dhe ndodhet nën kujdesin e mjekëve.
Rasti i dytë ka ndodhur në Dhërmi, ku teksa ishte duke punuar në katin e dytë të një godine, një 40-vjeçar, banues në Korçë, ka rënë nga lartësia.
