image FSShK kërcënon Kurtin me padi, kërkon që shtesat për punëtorët shëndetësorë të jenë së paku 300 euro - Sinjali

FSShK kërcënon Kurtin me padi, kërkon që shtesat për punëtorët shëndetësorë të jenë së paku 300 euro

news image

Këshilli Drejtues i Federatës së Sindikatave të Shëndetësisë së Kosovës në mbledhjen e mbajtur sot pas diskutimit në lidhje me situatën e krijuar me pandeminë COVID-19 dhe vendimeve të Qeverisë të marra me datë 25.08.2021 në lidhje me shtesat në pagë për të punësuarit në sektorin publik të indinjuar thellë ka parashtruar disa kërkesa e ka paralajmëruar padi ndaj Qeverisë.

Këshilli ka kërkuar që: Shtesat mbi pagë të rishqyrtohen dhe të merret vendim për rritjen e shtesave të cilat duhet të paguhen në mënyrë retroaktive nga muaji Qershor 2021 deri në përfundimin e Pandemisë, jo më e ulët se 300 euro në të kundërtën pason Padia për shkelje të Ligjit nr. 07/L-006 për parandalimin dhe luftimin e Pandemisë COVID-19 në territorin e Republikës së Kosovës dhe urgjentisht të procedohet Ligji mbi pagat dhe të ftohen përfaqësuesit e punëtorëve shëndetësor; Ligji i Pagave të aprovohet brenda këtij viti dhe të filloj së implementuari nga muaji Janar i vitit 2022.

Federata e Sindikatave të Shëndetësisë së Kosovës ka bërë të ditur se pret përgjigje deri me datë 13.09.2021 nga kryeministri duke respektuar situatën me Pandeminë COVID-19.

“Nëse Kryeministri nuk reflekton FSSHK do të ftojë të gjitha organizatat simotra që të na bashkëngjiten në manifestimin tonë sindikal. Duke i shprehur ngushëllime të gjitha familjarëve të  viktimave nga COVID-19 dhe të gjithë infektuarve shërim të shpejtë si pasojë e keqmenaxhimit, i lutemi popullatës që të vaksinohen dhe të na mirëkuptojnë sepse edhe ne jemi njerëz e kemi familje”, thuhet nga FSSHK.

Komunikatë e plotë për media e FSShK-së:

Këshilli Drejtues i Federatës së Sindikatave të Shëndetësisë së Kosovës në mbledhjen e mbajtur me datë 02.09.2021 pas diskutimit në lidhje me situatën e krijuar me Pandeminë COVID-19 dhe Vendimeve të Qeverisë të marra me datë 25.08.2021 në lidhje me shtesat në pagë për të punësuarit në sektorin publik të indinjuar thellë parashtrojnë këto kërkesa:

1. Shtesat mbi pagë të rishqyrtohen dhe të merret vendim për rritjen e shtesave të cilat duhet të paguhen në mënyrë retroaktive nga muaji Qershor 2021 deri në përfundimin e Pandemisë, jo më e ulët se 300 euro në të kundërtën pason Padia për shkelje të Ligjit nr. 07/L-006 për parandalimin dhe luftimin e Pandemisë COVID-19 në territorin e Republikës së Kosovës;

2. Urgjentisht të procedohet Ligji mbi pagat(ju rikujtojmë se në Planin Legjislativ për vitin 2021 është paraparë të aprovohet në Qeveri me datë 29.10.2021) dhe të ftohen përfaqësuesit e punëtorëve shëndetësor;

3. Ligji i Pagave të aprovohet brenda këtij viti dhe të fillojë së implementuari nga muaji Janar i vitit 2022;

4. Federata e Sindikatave të Shëndetësisë së Kosovës pret përgjigje deri me datë 13.09.2021 nga Kryeministri duke respektuar situatën me Pandeminë COVID-19;

5. Nëse Kryeministri nuk reflekton FSSHK do të ftojë të gjitha organizatat simotra që të na bashkëngjiten në manifestimin tonë sindikal.

6. Duke i shprehur ngushëllime të gjitha familjarëve të viktimave nga COVID-19 dhe të gjithë infektuarve shërim të shpejtë si pasojë e keqmenaxhimit, i lutemi popullatës që të vaksinohen dhe të na mirëkuptojnë sepse edhe ne jemi njerëz e kemi familje.

/GazetaSinjali/


Shpërndaje artikullin