Presidentja e Kosovës, Vjosa Osmani dhe kryeministri Albin Kurti, mbrëmë u takuan me Sekretarin amerikan të Shtetit, Antony Blinken.
Ky takim u përcjellë me shumë komente, si nga sfera politike ashtu edhe nga qytetarët e zakonshëm, të cilët në shumicë përshëndetën takimin duke e cilësuar si të dobishëm për mardhëniet mes Kosovës dhe SHBA-së, si një partner i domosdoshëm.
Por, e tëra kjo nuk kaloi pa u komentuar edhe nga klerikët fetarë.
Njëri ndër ta është hoxhë Husamedin Abazi (imam), i cili i ka quajtur mediat “raciste”, kësisoj duke pretenduar se ishin mediat, ato të cilat e modifikuan fotografinë të cilën e shpërndau kryeministri Kurti në faqen e tij zyrtare.
Këtë akuzë për media, hoxhë Abazi e drejton ngaqë në fotografinë e shpërndarë nga kryeministri Kurti, nuk shihet një grua me mbulesë, e cila ishte në anën e zyrtarëve të SHBA-së.
