image Flokë të hollë dhe pa jetë? - Ja si t'i bëni që të duken më me volum dhe të shëndetshëm - Sinjali

Flokë të hollë dhe pa jetë? – Ja si t’i bëni që të duken më me volum dhe të shëndetshëm

news image

Ndoshta nuk e keni menduar më parë, por mënyra se si lani flokët mund t’u japë volumin e munguar flokëve të hollë. 

Floku është gjysma e bukurisë te një femër, kjo është arsyeja përse investoni kaq shumë për mirëmbajtjen e tyre.

Harxhoni shuma të mëdha parash te parukeria apo duke blerë produktet më të shtrenjta, por ju duket se gjithë mundi juaj shkon dëm.

Nuk është kështu, mjaftojnë disa truke të thjeshta dhe flokët tuaj do të duken të shëndetshëm dhe voluminozë.

1.Lani flokët në mënyrën e duhur

Ndoshta nuk e keni menduar më parë, por mënyra se si lani flokët mund t’u japë volumin e munguar flokëve të hollë.

Hidhni shampo vetëm në rrënjë dhe më pas përhapeni në gjithë gjatësinë e flokut. Fundet e flokëve janë gjithmonë të thatë dhe më të brishtë, kështu që masazhojini ndërkohë që përdorni shampo.

Përdorni balsam flokësh ose maskë zbutëse në gjithë gjatësinë e tyre. Mos harroni ta aplikoni edhe në rrënjë pasi, kjo gjë i bën flokët më të rëndë dhe voluminozë.

Ndërkohë që lani flokët duhet të masazhoni vazhdimisht skalpin e kokës, pasi ky veprim përmirëson qarkullimin e gjakut dhe largon qelizat e vdekura nga sipërfaqja e kësaj pjese të lëkurës.

2.Përdorni shampo të thatë

Shampo e thatë është një alternativë e zgjuar për të gjithë ato femra që nuk kanë kohë për të larë flokët çdo ditë apo nuk duan të kalojnë shumë kohë duke i tharë.

Shampo e thatë jo vetëm që heq papastërtinë nga floku, por edhe u jep atyre shumë volum.

Mund të arrini të njëjtin efekt duke përdorur pudër bebesh.

3. Përdorni tharësen e flokëve vetëm nga poshtë

Ashtu sikurse larja, edhe tharja e flokëve ka një rëndësi të madhe për t’i bërë flokët e thatë të duken më voluminozë.

Në qoftë se jeni mësuar t’i thani flokët duke vendosur tharësen përballë fytyrës apo në pjesën e pasme të qafës, tani duhet të bëni të kundërtën. Ulni kokën nga poshtë me flokët që ju bien thuajse në fytyrë dhe thani në këtë mënyrë. Mos harroni që tharësja duhet të jetë 30 cm larg flokut./Gazeta Sinjali/


Shpërndaje artikullin

Etiketat kryesore: