image Flasin nga Spitali i Gjilanit për gjendjen shëndetësore të logopedit të arrestuar

Shëndetësi

Flasin nga Spitali i Gjilanit për gjendjen shëndetësore të logopedit të arrestuar

news image

Logopedi Iljasa Fazliu, nga e diela po vazhdon trajtimin në repartin e Internos në Spitalin e Gjilanit, ku gjendja e tij shëndetësore vlerësohet të jetë stabile.

Për shkak të problemeve shëndetësore seanca për caktimin e masës së paraburgimit është mbajtur në Spitalin e Gjilanit.

Ai ishte arrestuar nën dyshimet për abuzim me vajzën që është me autizëm të cilën familja e kishin dërguar në seancë tek ai.

Drejtori i Spitalit të Gjilanit Arsim Halili, tha për Gazetën Sinjali se pacienti është pranuar dje nga internisti kujdestar në repartin e Internos për shkak të shqetësimeve mjekësore: hipertension arterial dhe hiperglikemi.

Pacienti është ende në spital dhe gjendja e tij është stabile tash për tash.

Gazeta Sinjali dje kishte raportuar ekskluzivisht për arrestimin e mjekut Iljasa Fazliu, defektolog i Logopedisë.

/GazetaSinjali/