image Finlanda heton dyshimet se Rusia ia shkeli hapësirën ajrore

Evropë

Finlanda heton dyshimet se Rusia ia shkeli hapësirën ajrore

news image

Një avion ushtarak rus dyshohet se ka hyrë në hapësirën ajrore finlandeze mbi qytetet Kesalahti dhe Parikkala pranë kufirit të dy vendeve, tha Ministria finlandeze e Mbrojtjes.

Roja kufitare po heton se çfarë ka ndodhur, tha ministria. Avioni ishte një helikopter ushtarak Mi-17, i cili thuhet se ka fluturuar 4 deri në 4.5 kilometra në hapësirën ajrore finlandeze, raporton agjencia e lajmeve dpa.

Finlanda dhe Rusia ndajnë një kufi prej mbi 1,300 kilometrash dhe incidenti i së mërkurës ndodhi mes debateve intensive në Finlandë dhe Suedi nëse do të anëtarësohen në NATO, një pyetje që ka fituar vëmendje të madhe që kur Rusia filloi pushtimin e saj të Ukrainës, raporton REL.

Po ashtu u raportua se një avion ushtarak rus kishte shkelur për pak kohë hapësirën ajrore suedeze dhe daneze disa ditë më parë.

/GazetaSinjali/