Federata e Futbollit të Kosovës anulon grumbullimin e përfaqësueses U19 lidhur me ndeshjet miqësore me Shqipërinë.

Këtë njoftim, FFK-ja e ka bërë përmes një postimi në rrjetin social Facebook, shkruan Gazeta Sinjali.

“Vendimi është marrë nga Komiteti i Emergjencës i Federatës Shqiptare të Futbollit – FSHF, në mirëkuptim me Federatën e Futbollit të Kosovës, dhe ka ardhur në vijim të konsultimeve të FSHF-së me specialistët përkatës, si pasojë e situatës së fundit të krijuar në Shqipëri”, thuhet në njoftimin e tyre.

Grumbullimi ka qenë i parashikuar të bëhet në Shqipëri në datat 24-31 mars, ndërsa ndeshjet ishin parashikuar të luheshin në datat 29-31 mars./Gazeta Sinjali/