Disa fermerë rus shpëtuan disa kuaj të cilët kishin rënë në ujërat e akullt të një lumi thuajse të ngrirë, në rajonin jugor të Bashkiriya në Rusi.

E gjithë kjo iniciativë për shpëtimin e tyre është regjistruar e më pas është postuar në rrjet.

Ishin 11 kuaj që kishin rënë në ujë pas çarjes së shtresës së akullt të lumit.

Pasi fermerët i nxorrën nga uji, shprehen se asnjë prej kuajve nuk ka pësuar lëndime.

Gjithashtu njëri prej tyre i bën thirrje të gjithë fermerëve të zonës si dhe peshkatarëve të bëjnë kujdes kur kalojnë në sipërfaqet e akullta të këtij lumi. /Gazeta Sinjali/