Rrjetet sociale si Facebook dhe Twitter kanë njoftuar se kanë çmontuar një rrjet të vogël llogarish dhe faqesh që ishin pjesë e një operacioni të ndikimit rus.

Kompanitë thonë se fushata ishte e lidhur me Agjencinë Ruse të Kërkimit të Internetit (IRA), një organizatë e afërt me qeverinë ruse dhe e akuzuar për ndërhyrje në zgjedhjet e vitit 2016 në SHBA, raporton New York Times, transmeton Gazeta Sinjali.

Twitter gjithashtu pezulloi pesë llogari nga i njëjti rrjet.

Operacioni u përqëndrua rreth PeaceData, e cila pretendonte të ishte një faqe e lajmeve jofitimprurëse në anglisht dhe arabisht, për të cilën si Facebook ashtu edhe Twitter thanë se fushata kishte arritur një sukses shumë të kufizuar.

Taktikat e IRA-së është që Rusia ‘të përzihet në të gjitha mediat e mëdha sociale’ dhe lajmi për këtë zbulim vjen vetëm dy muaj para zgjedhjeve presidenciale në SHBA midis presidentit Donald Trump dhe kandidatit demokrat, Joe Biden.

Cila ishte fushata?

Njoftimet e së martës nga Facebook dhe Twitter erdhën si rezultat i bashkëpunimit me Task Forcën e Ndikimit të Jashtëm të FBI-së mbi faqen e internetit të PeaceData, e cila shërbeu për një audiencë me prirje të majtë. Facebook tha se hoqi 13 llogari dhe dy faqe, të cilat kërkonin të “synonin debatin publik në SHBA dhe vende të tjera, përfshirë Mbretërinë e Bashkuar dhe Egjiptin”.

Por operacioni kishte arritur “shumë pak shtrirje”, me rreth 14,000 llogari që ndiqnin një ose më shumë faqe që kishte hequr, tha Facebook. Faqja në gjuhën angleze kishte rreth 200 ndjekës. Llogaritë e fshira përdorën emra të rremë dhe fotografi të profilit, tha Facebook, por autorë të pavarur të vërtetë dhe “të padëshiruar” duket se kishin shkruar për faqen e internetit të PeaceData.

Twitter, ndërkohë, tha se kishte pezulluar pesë llogari “për manipulimin e platformës që ne me siguri mund t’ua atribuojmë aktorëve të shtetit rus”. Kompania shtoi se përmbajtja e krijuar nga llogaritë ishte “me cilësi të ulët dhe të padëshirueshme dhe se shumica e postimeve nga këto llogari morën pak, ose aspak, pëlqime ose shpërndarje”.

Çfarë dimë për IRA-në e Rusisë?

IRA ishte një nga tre ndërmarrjet ruse dhe 13 persona të paditur nga Departamenti i Drejtësisë i SHBA-së, si pjesë e hetimit të këshilltarit special, Robert Mueller, për ndërhyrjen e pretenduar ruse në fushatën zgjedhore të vitit 2016 në SHBA.

Ish-drejtori i FBI kaloi dy vjet duke kërkuar bashkëpunim të pretenduar midis fushatës Trump 2016 dhe Rusisë. Ai arriti në përfundimin se Rusia kishte ndërhyrë në zgjedhje me synimin për të përfituar nga fushata e Donald Trump, megjithëse nuk gjeti prova të një komploti.

Gjithashtu, në fillim të këtij viti, drejtori i FBI, Christopher Wray, tha se përpjekjet ruse për të përhapur dezinformimin në mediat sociale “nuk ishin ndalur kurrë”, por shtoi se aktualisht nuk ishte në të njëjtën shkallë me sa u pa gjatë fushatës 2016./GazetaSinjali/