Presidenti i Turqisë, Recep Tayyip Erdogan, u rizgjodh unanimisht udhëheqës i partisë në pushtet, Partisë për Drejtësi dhe Zhvillim (AK Parti) në kongresin e mbajtur në kryeqytetin Ankara, raporton Anadolu Agency (AA), transmeton Gazeta Sinjali.

Pasi u nominua nga zyrtarët e lartë të partisë, Erdogan u rizgjodh kryetar për mandatin e shtatë në Kongresin e 7-të të Zakonshëm të Madh të partisë.

Nga 1 mijë e 431 fletëvotime, Erdogan mori 1 mijë e 428 vota të vlefshme dhe kishte tre fletëvotime të pavlefshme, sipas Ali Ihsan Yavuz, nënkryetari i partisë.

Duke folur pas votimit, Erdogan falënderoi anëtarët e partisë të cilët ia besuan drejtimin e partisë.

Përveç kësaj, partia gjithashtu zgjodhi 75 anëtarë të Kryesisë së saj Qendrore dhe Bordit Ekzekutiv (MKYK)./Gazeta Sinjali/