Presidenti i Turqisë, Rexhep Tajip Erdogan të hënën njoftoi se vendi do të dhurojë ndihmë mjekësore për Serbinë.

Erdogan në një letër drejtuar homologut të tij serb Aleksandar Vuçiç shprehu mbështetjen e Turqisë për Serbinë në luftën kundër pandemisë koronavirus.

“Jam i bindur që masat aktive që keni ndërmarrë që nga dita e parë e luftimit të pandemisë Covid -19 do të ndihmojnë për të zotëruar këtë krizë me humbjet më të pakta të mundshme,” i tha Erdogan Vuçiqit, sipas Presidencës Serbe.

“Ju uroj suksese në përpjekjet tuaja. Shpresoj që pajisjet mjekësore që do t’i dërgojmë vendit tuaj këtë javë, përveç kutive të provës që i kemi siguruar më parë, do t’ju japin mbështetjen tonë për miqtë tanë nga Serbia në luftën e tyre kundër pandemisë ” ai shtoi.

Erdogan gjithashtu përcolli ngushëllimet e Turqisë për serbët që humbën jetën për shkak të virusit.

“Dua të shpreh ngushëllimet e mia të sinqerta për humbjen e jetës së qytetarëve tuaj, përfshirë sekretarin shtetëror të ministrisë së mjedisit, z. Branislav Blazic. … Shpresoj se do ta kapërcejmë këtë situatë të vështirë sa më shpejt”, tha ai.

Serbia ka konfirmuar mbi 2.200 raste të Covid -19 deri më tani, me të paktën 58 vdekje./ Gazeta Sinjali/