Mëngjesin e sotëm B.Gj (Sinjali e di idenitetin e plotë) u gjet i vdekur në qendrën e paraburgimit në Pejë. Dyshohet se ai i dha fund jetës duke u varur me çarçafë në banjon e kësaj qendre. Edhe përkundër tentativës për t’i dhënë ndihmë, ai nuk ka arritur të kthehet në jetë. Sinjali mëson se B.GJ ishte 52 vjeçar me prejardhje nga komuna e Klinës.
Por, për çka po e kërkonin autoritetet e sigurisë në Shtetet e Bashkuara të Amerikës?
B.GJ dyshohet për vrasjen dhe zhdukjen e trupit të gruas së tij në Amerikë, disa vite më parë.
“Gruaja e tij edhe më tutje rezulton si person i zhdukur në Amerikë”, tha ky burim.
Ka qenë me letër-rreshtim ndërkombëtarë dhe në pritje të procedurave të ekstradimit në Amerikë.
Në qendrën e paraburgimit ai ishte vendosur para dy muajsh.
Lajmin për vdekjen e tij e ka bërë të ditur edhe zëdhënësi i Prokurorisë së Pejës, Shkodran Nikçi.
