image Efektivit në Shkodër ia djegin veturën para banesës, dalin pamjet nga vendngjarja - Sinjali

Efektivit në Shkodër ia djegin veturën para banesës, dalin pamjet nga vendngjarja

news image

Efektivit të policisë së Komisariatit të Shkodrës, iu dogj makina në orët e para të mëngjesit pas një zjarrvënie të qëllimshme.

Sokol Kroni, 54 vjeç, ka dalë nga banesa sapo ka parë flakët, por makina është djegur pjesërisht me gjithë ndërhyrjen e zjarrfikësve. Policia po heton për një hakmarrje të mundshme ndaj 54-vjeçarit për shkak të detyrës.

Njoftimi i policisë:

Më datë 14.05.2022, rreth orës 04:00, në lagjen “Tre Heronjtë”, Shkodër, është djegur pjesërisht mjeti tip “Mitsubishi” në pronësi të shtetasit Sokol Kroni, 54 vjeç, me detyrë punonjës policie në Komisariatin e Policisë Shkodër. Automjeti ka qenë i parkuar përpara banesës së këtij shtetasi.

Vijojnë veprimet hetimore për përcaktimin e rënies së zjarrit dhe dokumentimin e plotë të ngjarjes

/GazetaSinjali/


Shpërndaje artikullin