Ilaz Papaj, veteran i luftës së Ushtrisë Çlirimtare të Kosovës, nga fshati Samadraxhë e Komunës së Suharekës, ka dhuruar pensionin e tij mujor për familjet në nevojë, shkruan Gazeta Sinjali.

Lajmi u bë i ditur nga kryetari i kësaj komune, Bali Muharremaj.

“Ilmaz Papaj – Veteran i Luftës së UÇK-së nga fshati Samadraxhë, e ka dhuruar pensionin e tij mujor të veteranit për pako ushqimore, vlerë e cila do të destinohet për familjet që kanë nevojë. Jemi falenderues ndaj të gjithë atyre që po shprehin angazhimin humanitar, në këtë kohë të pandemisë”, ka shkruar Muharremaj në Facebook.

Papaj është veterani i dytë nga ky fshat i Suharekës që dha donacion pensionin e tij për familjet në nevojë. Kujtojmë që më 30 prill një veprim të tillë e bëri veteranti nga po ky fshat, Shefki Hodaj./Gazeta Sinjali/