Gazeta Sinjali pak më parë raportoi se një person dyshohet se është vetvrarë sot në Pejë. Sinjali ka mësuar se viktima është Nard Shala.
Zëdhënësi i Prokurorisë së Pejës, Shkodran Nikqi, ka thënë se policia dhe prokuroria kanë dalë në vendin e ngjarjes.
“Njësitë relevante policore në bazë të prokurorit kujdestar kanë dalë në vendin i ngjarjes, dyshohet për një trup të pajetë të një personi i cili me urdhër të prokurorit është dërguar për obduksion”, ka thënë ai për Sinjalin.
Ndërkaq zëdhënësi i Policisë për rajonin e Pejës, Fadil Gashi, ka thënë se viktima është gjetur nga familjarët e tij.
“Rreth orës 15:55 minuta sot policia është njoftuar se në rrugën “Kuvendi i Lezhës” në Pejë është gjetur nga familjarët një person pa shenja jete. Në vendin e ngjarjes kanë dalë njësite relevante gjithashtu edhe ambulanca, mjeku kujdestar e ka konstatu vdekjen”, tha ai për Sinjalin.
