Vetëm pak pas orës 10 në mëngjes, Brittany Gosney dhe i dashuri i saj, kanë shkuar në stacionin e Policisë në Middletown në Ohio me lajme të tmerrshme: djali i Gosneyit, 6-vjeçar, James Hutchinson ishte zhdukur.
Policia e Middletownit filluan të kërkojnë menjëherë, duke vendosur afishe për të kërkuar ndihmë për gjetjen e tij.
Por, Gosney, 29-vjeçare dhe i dashuri i saj 42-vjeçar, James Hamilton ishin duke gënjyer, tha Policia të hënën.
Në fakt, Gosney e kishte çuar të birin në park disa ditë më herët duke tentuar ta braktiste atje. Më vonë, ajo dhe Hamilton e gjuajtën trupin e djalit në lumin Ohio.
Gosney ishte arrestuar nën akuzat për vrasje dhe fshehje të provave, për të njëjtat gjëra është akuzuar edhe i dashuri i saj. Dy fëmijët tjerë të cilët jetonin me ta, janë hequr nga shtëpia nga organet shtetërore.
Rasti e ka shokuar qytetin me 48.000 banorë. Policia kishte disa përgjigje të hënën për vrasjen e djalit nga nëna e tij, shkruan The Washington Post.
“Nëna e tij nuk është duke folur shumë porse ajo ka pranuar se e ka bërë këtë gjë”, ka thënë Policia.
Të premten në mbrëmje, dy ditë pasi Gosney dhe i dashuri i saj e raportuan Jamesin se po mungonte, policia tha se ajo i dërgoi në park fëmijët, ndërkaq në parking, ajo tentoi ta braktiste Jamesin.
