Policia e Kosovës bënë të ditur se sot ka arrestuar të dyshuarin me inicialet R.S., 30-vjeç, i cili dyshohet për veprën penale “Vjedhje e rëndë”.
Stacioni Policor në Pejë, me datën 13.03.2022, rreth orës 15:30, ka pranuar një informacion se në rrugën “Vëllezërit Kastrati”, në Pejë, person/a të panjohur kishin hyrë në një shtëpi dhe sipas pronarit të shtëpisë (viktimës), kanë vjedhur para në vlerë prej 15 mijë euro, ari në vlerë prej pesë mijë euro dhe është/janë larguar në drejtim të panjohur.
“Pas një pune intensive nga hetuesit e Sektorit Rajonal për Hetime, sot me datë 23.03.2022, me urdhër të Gjykatës kompetente është bërë bastisja e shtëpisë së personit të dyshuar, është arrestuar i dyshuari: R. S., lindur me 1992“, thuhet në njoftimin e Policisë.
Pas intervistimit të personit të dyshuar, me urdhër të Prokurorit të shtetit i është caktuar masa e ndalimit prej 48- Orësh.
