Klinika Infektive e QKUK-së ka bërë të ditur se është njoftuar nga menaxhmenti i klinikës se mund të jenë përzier dokumentacioni mjekësor i pacientëve që kanë ndërruar jetë.
Por, kjo klinikë nuk ka dhënë detaje tjera, derisa bën të ditur se bashkë me Policinë e Kosovës kanë ndërmarrë veprimet e nevojshme.
“Klinika Infektive e Qendrës Klinike Universitare të Kosovës, sqaron opinionin, se menaxhmenti i klinikës është njoftuar në lidhje me mundësinë e përzierjes së dokumentacionit mjekësor të pacientëve që kanë përfunduar me vdekje në këtë klinikë”.
Tutje në njoftim thuhet se “Menaxhmenti i Klinikës Infektive bashkë me organet kompetente, Policinë e Kosovës kanë ndërmarrë veprimet e nevojshme lidhur me këtë rast”.
