Një oficer veteran policie, njëherësh anëtar i policisë së Capitolit, vendi ku ndodhën trazirat javën e kaluar në SHBA, në të cilin kishte viktima, dyshohet se kreu vetëvrasje, raporton The New York Times, transmeton Gazeta Sinjali.
Kjo u njoftua sot nga zyrtarët, gjersa shtuan se kjo është një goditje tjetër për policinë e ngarkuar në ruajtjen e Kongresit amerikan, sepse një oficer policie vdiq gjatë trazirave të së mërkurës së kaluar.
Howard Liebengud (51), i cili vdiq të shtunën, nuk ishte në detyrë, njoftoi policia.
“Ai ishte një divizion që ruante Senatin dhe ka qenë në departamentin tonë që nga muaji prill i vitit 2005. Mendimet dhe lutjet tona janë me familjen, miqtë dhe kolegët e tij. Ne kërkojmë që familja e tij, oficerët e policisë dhe familjet e tyre të kursehen nga ngacmimet gjatë kësaj periudhe shumë të vështirë”, thuhet në deklaratën e policisë.
Departamenti i policisë nuk e ka mbyllur çështjen dhe ende po heton rrethanat në të cilat ai vdiq, por gazetat dhe reporterët, si “Punchball News”, pretendojnë se Libengood i mori jetën vetes, duke deklaruar se nuk dihet se çfarë e shkaktoi një veprim të tillë.
Departamenti i Policisë së Capitol Hillit është nën mbikëqyrje intensive për shkak të lëshimeve rreth protestuesve që sulmuan Kongresin dhe Shefin, Stephen Sand, që dha dorëheqje, i cili do të hyjë në fuqi më 16 janar.
