image Dyshohet për rastin e parë të vdekjes nga Lija e Majmunit në SHBA
[wp-story id="814678"]

Botë

Dyshohet për rastin e parë të vdekjes nga Lija e Majmunit në SHBA

news image

Në Shtetet e Bashkuara të Amerikës dyshohet se është regjistruar rasti i parë i vdekjes së një pacienti të infektuar me virusin Lija e Majmunit. Sipas zyrtarëve shëndetësorë, viktima është nga Teksas.

Ai po trajtohej në qarkun Harris, i cili përfshin pjesën më të madhe të qytetit më të madh të shtetit, Houston, vdiq të dielën. Zyrtarët shëndetësorë thanë se individi kishte ‘sëmundje të ndryshme të rënda’ përveç virusit.

Shkaku i vdekjes ende nuk është përcaktuar, por nëse konfirmohet se është lija e majmunëve, kjo do ta bëjë vdekjen e parë të Amerikës nga virusi gjatë shpërthimit aktual. Në nivel global, të paktën 15 vdekje nga lija e majmunëve janë raportuar tani, duke përfshirë dy në Spanjë dhe një në Brazil.

Amerika aktualisht ka shpërthimin më të madh të virusit në botë, me më shumë se 18,101 raste të diagnostikuara deri më sot, duke përfshirë më shumë se nëntë në dhjetë në mesin e meshkujve homoseksualë ose biseksualë. Virusi – vendas në Afrikën Perëndimore – është përhapur në më shumë se 40 vende deri më tani, me afro 50,000 raste të konfirmuara.

Në një njoftim, Departamenti i Shëndetësisë dhe Shërbimeve Njerëzore në Teksas tha se një autopsi është duke u zhvilluar për të konfirmuar shkakun e vdekjes. Rezultatet priten në javët e ardhshme.

Detaje të mëtejshme nuk jepen për momentin – duke përfshirë moshën dhe gjininë e personit.

/GazetaSinjali/