Brenda pak orësh në Kosovë kanë ndodhur dy vrasje, njëra në Prizren e tjetra në Shtime. Të dyja kanë motive të ndryshme. Sinjali sjell të gjitha detajet që dihen deri më tani.

Në Prizren u vra A.V 41 vjeçare, dyshohet se bashkëshorti i saj B.V 61 vjeçar, në vendin e krimit shkrepi 15 plumba. Gëzhojat u gjetën në rrugë, rreth 100 metra distancë, nga shtëpia e të dyshuarit.

Policia njofton se B.V është arrestuar dhe me urdhër të prokurorit është dërguar në mbajtje. Vrasja e rëndë dyshohet se ka ndodhur për shkak të poblemeve të çiftit, ata jetonin në Zvicër dhe kishin ardhur për pushime në Kosovë.

Vrasja tjetër ndodhi në Shtime

Rreth orës 03:00 në një Shtëpi në Shtime dyshohet se kanë hyrë dy persona për të grabitur. Në këtë situatë është vrarë njëri prej grabitësve si dhe ka mbetur i plagosur pronari i shtëpisë, ka kondirmuar policia.

Sinjali mëson nga burime brenda Prokurorisë së Ferizajt, se njëri prej të dyshuarve (grabitësve), ka ikur dhe dyshohet se me vete i ka marrë 24 mijë fraga, nga shtëpia e pronarit.

Këtë rast për Sinjalin e ka konfirmuar Kryeprokurori i Prokurorisë Themelore të Ferizajt, Shukri Jashari. 

“Rreth orës 03:00 të mëngjesit të sotëm, ka ndodhur një vrasje në Shtime. Dyshohet se viktima është personi që ka hyrë për të grabitur në një shtëpi private. Pronari i shtëpisë, ka mbetur i plagosur, ndërsa një person që dyshohet se ishte grabitës, ka ikur nga vendi i ngjarjes”, tha Jashari për Sinjalin.

Sinjali mëson se personi që mbeti i plagosur (pronari i shtëpisë në Shtime, ku ndodhi vrasja dhe plagosja), ishte mërgimtar.

Kjo është vrasja e dytë brenda pak orësh në Kosovë.

Me këto dy vrasje, numri i personave që janë vrarë brenda këtij viti në vendin tonë është ka shkuar në 19-të./Sinjali/