Dy fëmijë u vranë në qytetin ukrainas të Donetsk mes luftimeve ruse, sipas guvernatorit të rajonit Pavlo Kyrylenko.
Në një postim në Twitter të postuar sot, Kyrylenko tha se dy vajza, të moshës 5 dhe 14 vjeç, vdiqën pasi shtëpia e tyre familjare u shkatërrua “nga pushtuesit rusë”.
Rusia ka rritur ofensivën e saj në rajonin e Donbasit në javët e fundit, sipas zyrtarëve ukrainas, me luftime të ashpra që raportohen pothuajse çdo ditë në të gjithë rajonet Donetsk dhe Luhansk, shkruan CNN.
Të paktën 184 fëmijë janë vrarë dhe 286 janë plagosur që nga fillimi i pushtimit rus të Ukrainës, sipas raportit të fundit nga zyra e Komisionerit të Lartë për të Drejtat e Njeriut të OKB-së, e cila regjistroi viktima deri më 21 prill.
