Këngëtarja e njohur shqiptare me famë botërore, Dua Lipa, ka fituar çmim në “Mnet Asian Music Awards”.
Artistja shqiptare u nderua me çmimin si “Artistja e preferuar ndërkombëtare”, transmeton Gazeta Sinjali.
Këtë e ka bërë të ditur vetë Dua, përmes rrjetit social Instagram, e cila krahas çmimit, ka performuar edhe projektin e fundit muzikor “Don’t Start Now”.
“Don’t Start Now” te Mnet Awards. Faleminderit shumë për dashurinë dhe mbështetjen. Faleminderit London Girls që ndatë skenën me mua dhe faleminderit për çmimin si Artistja e preferuar internacionale”, ka shkruar ajo në gjuhën angleze.
“Don’t Start Now” është publikuar më 1 nëntor dhe deri më tani numëron mbi 55 milionë klikime në kanalin YouTube./Gazeta Sinjali/
