Të gjitha aktivitet e planifikuara të garës me arte të përziera marciale në oktagon, e njohur si UFC,  janë anuluar për shkak të pandemisë “Covid 19”.

Presidenti i UFC-së, Dana White, ditëve të fundit paralajmëronte se garat e planifikuara më 18 prill, do të zhvillohen , mirëpo të njëjtat, morrën goditje për shkak të vështirësisë për të gjetur lokacionin për zhvillimin e tyre dhe në fund u vendos të gjitha garat të shtyhen për një kohë të pacaktuar.

UFC 249 duhej të zhvilloheshin në Bruklin, ku sfida kryesore duhej të ishte në mes Khabib Nurmagomedovit dhe Toni Fergusonit, e vlevshme për titullin kampion në pesha të lehta.