Gjykata Themelore në Prishtinë ka aprovuar padinë e 52 nëpunësve civilë, të cilët kishin paditur Qeverinë për diskriminim në paga.
Në vendimin që ka siguruar “Betimi në Drejtësi”, thuhet se Qeveria e Kosovës është obliguar t’ua paguajë mbi 100 mijë euro për paga këtyre zyrtareve që i kishte diskriminua në paga në vitin 2017.
Gjithashtu, sipas vendimit, Qeveria duhet të paguajë edhe 4 mijë e 734 euro shpenzime të procedurës.
Këta 52 nëpunësit civilë kishin ushtruar padi me synimin se ishin diskriminuar kur më 2017 në mënyrë selektive ishin rritur pagat e një pjesë të stafit të Zyrës së Kryeministrit nga ish-kryeministri Ramush Haradinaj.
Në atë kohë, përveç vetes, Haradinaj me vendim të Qeverisë ia kishte rritur rrogat edhe ministrave, këshilltarëve politikë dhe një pjesë të shërbyesve civilë.
Pjesa e stafit civil që nuk ishin prekur nga ky vendin e kishin paditur Qeverinë.
