Futbollisti i Liverpool-it me origjinë kolumbiane, Luis Díaz, i është lutur rrëmbyesve të babait të tij që ta lirojnë menjëherë dhe t’i japin fund kësaj pritjeje të dhimbshme.
Të dy prindërit e Diazit u kapën me armë në qytetin e tij të lindjes Barrancas nga guerilët e krahut të majtë të Ushtrisë Çlirimtare Kombëtare (ELN) më 28 tetor.
Ndërsa nëna e tij u gjet, babai i tij është ende i zhdukur.
Díaz shënoi një gol kundër Luton të dielën, duke ngritur fanellën e tij për të zbuluar fjalët në spanjisht “liri për babin”.
“Çdo sekondë, çdo minutë ankthi ynë rritet,” tha Díaz, 26, në një deklaratë të lëshuar të dielën.
“Nëna ime, vëllezërit e mi dhe unë jemi të dëshpëruar, të shqetësuar dhe nuk kemi fjalë për të përshkruar atë që po ndjejmë. Kjo vuajtje do të marrë fund vetëm kur ta kemi atë në shtëpi me ne.
“Lutem që ta lirojnë menjëherë, duke respektuar integritetin e tij dhe duke i dhënë fund kësaj pritjeje të dhimbshme. Në emër të dashurisë dhe dhembshurisë kërkojmë që ata të rishqyrtojnë veprimet e tyre dhe të na lejojnë ta kthejmë atë.”
Qeveria kolumbiane ka vendosur qindra policë dhe ushtarë janë mobilizuar për të liruar babanë e futbollistit, Luis Manuel Díaz.
Policia fillimisht kishte thënë se më shumë gjasa për të fajësohej një bandë kriminale.
Por të enjten, një delegacion qeveritar i cili aktualisht është i angazhuar në bisedimet e paqes me grupin rebel tha se kishte “njohuri zyrtare” se rrëmbimi ishte kryer nga “një njësi që i përkiste ELN”.
Një përfaqësues i grupit thuhet se ka thënë se grupi do të lirojë babanë e Diazit në ditët në vijim.
ELN është grupi kryesor i mbetur aktiv gueril i Kolumbisë. Ajo ka luftuar kundër shtetit që nga viti 1964 dhe ka rreth 2,500 anëtarë.
Ajo është më aktive në rajonin kufitar me Venezuelën, ku jetojnë Luis Manuel Díaz dhe gruaja e tij Cilenis Marulanda.
