Depueti i AAK-së, Rasim Selmanaj ka reaguar pas shkarkimit të këshilltarit të kryeministrit, Shkëlzen Gashi.

Ai ka thënë se vendimi i Kurtit për shkarkimin e tij ka ardhur me vonesë dhe si pasojë e presionit publik.

 “Vonë, Albin!  Vonë, shumë vonë, pasi që lajmi mori dhénë, ju u zgjuat! Pas një reagimi të fuqishëm të qytetarëve dhe, madje, edhe pas deklaratave të Beogradit zyrtar, ju u detyruat nga presioni publik ta lironi nga detyra këshilltarin tuaj shumë të dashur e të preferuar! Ja sa shumë e vlerësoni dhe sa shumë ju dhimbset pse po detyroheni ta lironi nga detyra këshilltarin tuaj të dashur!!!”, ka shkruar Selamanaj.

Ai ka thënë se një kryeminsitër i përgjegjshëm nuk do të mante asnjëherë këshilltarë si Shkëlzen Gashi në kabinetin e tij dhe është dashur ta shkarkojë menjëherë pas intervistës së dhënë.

“E para, Një kryeministër i përgjegjshëm nuk mban në kabinetin e tij njerëz si ky Shkëlzeni që këto “ide” i ka promovuar edhe më herët për të cilat,  nuk besoj që ju nuk e keni ditur!!! Mjafton për ta lexuar shkrimin e tij “Apo shpif Dick Marty?”, të cilin e ka të publikuar nga janari i 2011-tës. Dhe këtë e quan mendim kritik? T’ia mbashë anën agresorit dhe të akuzosh viktimën, ky qenka mendim kritik? Të mbrosh interesat shoveniste serbe, e të akuzosh, pa fakte, ata që mbrojtën familjen, shtëpinë, ky qenka mendim kritik?!!  E dyta, Menjëherë pas përfundimit të intervistës ështe dashur me telefon ta shkarkoni dhe të distancoheni publikisht ndaj deklaratave te tij që ishin të njëjta me gjuhën dhe mentalitetin e regjimit fashisht të Serbisë së Millosheviçit! Ky shpërthim i Shkëlzen Gashit, nuk ishte rastësi e as i papritur!  Vonë, Albin!”, ka shkruar Selmanaj në fund./GazetaSinjali/