Ish-inxhinieri i Google-s, Anthony Levandowski për veturat që drejtohen pa shofer është dënuar me 18 muaj burgim për vjedhje pak kohë pasi që i ishte bashkuar Uberit.

Gjykata e San Franciscos i ka shqiptuar dënimin ndërsa Gjykatësi William Alsup ka thënë se Anthony Levandowski ka bërë krimin më të madh të sekreteve të tregtisë.

Levandowski ka ngarkuar 14 mijë dosje të Googlet në laptopin e tij, para se të largohej nga firma në janar të vitit 2016.

Ai ka udhëhequr projektin vetura robotike të Uberit, para se të shkarkohej në vitin 2017 për shkak të këtij rasti.

Levandowski ka shpallur falimentimin në mars të këtij viti, pasi i ka borxh 179 milionë dollarë kompanisë amë të Googlet, Alphabetit, për veprimet e tij.

Levandowski, që ishte anëtar themelues i projektit të veturave pa shofer të Googlet, kishte shpresuar për një dënim me burgim shtëpiak për një vit. /Gazeta Sinjali/