Portieri i Manchester United, David de Gea, ka premtuar pjesën tjetër të karrierës së tij në klub.
Portierit 31-vjeçar i ka mbetur edhe pak më pak se një vit nga kontrata e tij prej 375,000£ funtesh në javë, por dëshiron të përdorë opsionin e një zgjatjeje njëvjeçare – dhe më pas të qëndrojë përtej kësaj.
“Do të isha shumë i lumtur të jem këtu për aq kohë sa ata duan”, tha De Gea, i cili iu bashkua klubit Sir Alex Ferguson në vitin 2011.
“Nuk kam folur ende me askënd, por dua të jem këtu për më shumë vite.
Ndihem shumë mirë këtu. Është privilegj dhe nder të jem këtu në këtë klub. Është një nga gjërat më të mira në jetën time, të jem pjesë e këtij klubi”.
United nuk ka fituar asnjë trofe që nga Europa League në 2017 dhe sezonin e kaluar ra në vendin e gjashtë në Premier League.
De Gea pranoi se paraqitjet e tyre ishin ‘të turpshme’, por mezi pret kohë më të mira nën drejtimin e trajnerit të ri Erik ten Hag.
“Ishte një sezon shumë i vështirë, ndonjëherë i turpshëm. Disa ndeshje ishin një rrëmujë, një fatkeqësi”, tha spanjolli.
“Pra, ne duhet të mësojmë nga sezoni i kaluar se nuk mund të ndodhë më. Humbja 4-0 ose 5-0, ishte e papranueshme.
Ne kishim nevojë për një kulturë më të mirë futbolli, për të menduar vetëm për futbollin, asgjë tjetër. Me një menaxher të ri, jemi në një rrugë të mirë. Ai është shumë i përqendruar te futbolli dhe ajo që ne kemi nevojë, dhe lojtarët ndihen të njëjtën gjë”, ka përfunduar portieri spanjoll.
