Kombëtarja e Kosovës sot luan ndaj Izraelit ndeshjen e parë të vlefshme për fazën para-kualifikim në Euro 2024.
“Dardanët” dje gjatë ditës kanë arritur në qytetin e Tel Aviv dhe kanë mbajtur seancën e fundit stërvitore.
Ndeshja mes Izraelit dhe Kosovës zhvillohet në stadiumin ‘Bllomfield’ dhe pritet të ketë një numër të madh të tifozëve, rreth 30 mijë. Kjo ndeshje nis nga ora 18:00.
Federata e Futbollit të Kosovës, ka dalë me një postim motivues duke mbështetur futbollistët e Alain Giresse para kësaj sfide.
Motoja e FFK-së për fazën kualifikuese është: Me Kosovën në Evropian”.
“Me formën e mirë dhe krenarinë kombëtare, Dardanët janë gati për të dhënë maksimumin në fushë për t’i treguar vlerat e tyre dhe për t’i dhënë gëzim të madh tifozëve në Kosovë dhe kudo në botë!”, shkruan shtëpia e futbollit kosovar në faqen e saj zyrtare në rrjetet sociale.
