Basketbollisti Dardan Berisha është zgjedhur Sportisti i Vitit 2020 në Kosovë.

Këtë çmim Berishës ia ka ndarë ministrja në detyrë e Kulturës, Rinisë dhe Sportit, Vlora Dumoshi, shkruan Sporti në Sinjali.

Kjo është hera e dytë që Berisha nderohet me këtë çmim.

“Dardani ishte njëri prej më të dalluarve në dy fitoret e kombëtares tonë të basketbollit në ndeshjet ndaj Islandës dhe Luksemburgut. Ai kontribut të madh ka dhënë edhe për klubin e vendlindjes së tij, Peja, të cilës ia ktheu shkëlqimin, derisa vazhdon të mbetet lojtari më i dalluar, jo vetëm në Superligën e Kosovës”, thuhet në njoftimin e Komitetit Olimpik të Kosovës./Sporti në Sinjali/