Nënkryetarja e PDK-së, Vlora Çitaku, i ka quajtur skandaloze deklaratat ministres se punëve të jashtme të Kosovës, Donika Gërvalla, e cila në një intervistë për gazetën e njohur austriake “Der Standard”, ka thënë se Perëndimi duhet ta ndryshojë strategjinë dhe të dërgojë diplomat tjerë në Ballkan.
Përmes një postimi në Facebook, ajo ka shkruar se kjo deklaratë e kryediplomates së Kosovës është skandaloze.
Sipas saj, vetëm ministrat e vendeve totalitare deklarohen në këtë mënyrë.
“Skandaloze. Vetëm Ministrat e Punëve të Jashtme nga vendet totalitare deklarohen në këtë mënyrë për diplomatët evropian dhe amerikan”, ka shkruar Çitaku.
