Zëvendëskryeministrja dhe ministrja e Jashtme dhe Diasporës, Donika Gërvalla është takuar në Amerikë me Amanda Sloat, Asistente Speciale e presidentit Joe Biden dhe Drejtoreshë e Lartë për Evropën në Këshillin Kombëtar të Sigurisë me të cilën kanë biseduar edhe për agresionin në Banjskë.
Gërvalla tha se është theksuar rëndësia e mbajtjes së Serbisë përgjegjëse për sulmin terrorist të 24 shtatorit.
“Diskutuam situatën aktuale të sigurisë në Kosovë dhe rajon, duke theksuar rëndësinë e mbajtjes së Serbisë përgjegjëse për agresionin e saj”, ka shkruar ajo në platformën X.
Good meeting with Amanda Sloat, Special Assistant to the President and Senior Director for Europe at NSC. Discussed the current security situation in Kosova & the region, emphasizing the importance of holding Serbia accountable for its aggression. pic.twitter.com/osylaq9Ocz
— Donika Gërvalla-Schwarz (@gervallaschwarz) October 25, 2023
Në takim, Gërvalla njëherit ka kërkuar nga zyrtarja amerikane mbështetje për anëtarësimin e Kosovës në NATO.
Gjithashtu u trajtua nevoja urgjente për forcimin e aftësive vetëmbrojtëse të Kosovës dhe kërkova mbështetje për anëtarësimin e vendit tonë në NATO. Mirënjohëse për mbështetjen e palëkundur të SHBA-së për Kosovën”.
