Thuajse qe kur nisi gjysma e dytë e vitit, nuk u panë në Kuvend. Deputetët e Listës Serbe duket se kanë harruar që vendin e punës e kanë në këtë institucion, pasi që tash e 4 muaj nuk kanë marrë pjesë në asnjë seancë plenare.
Një nga kolegët e tyre në parlament, Hisen Berisha nga radhët e PDK-së, ka treguar njërën ndër arsyet kryesore pse deputetët serb po e bojkotojnë Kuvendin.
Në anën tjetër, Time Kadrijaj, nga Aleanca për Ardhmërinë e Kosovës ka theksuar edhe njëherë faktin që Lista Serbe është e dirigjuar nga Beogradi.
E 10 deputetë e Listës serbe në Kosovë sipas rregullores së Kuvendit, saktësisht Nenit 23, kanë edhe dy muaj kohë për t’u paraqitur në seanca, në të kundërtën humbasin statusin e tyre si deputet i Republikës.
E nëse ka ndonjë masë tjetër që mund të ndërmerret ndaj tyre, tregojnë nga Instituti Demokratik i Kosovës.
Me 27 tetor, deputetet e Listës Serbe u takuan edhe nje here me presidentin e Serbisë, Aleksandër Vuçiq dhe nga Beogradi kërcënuan për destabilizim të vendit për shkak të vendimit për targat.
