Britania është përfshirë nga moti i keq me reshje të dendura shiu dhe stuhi. Mirëpo, në zonën e Surrey nuk kanë munguar as tornadot.

Banorët kanë shpërndarë video të një tornado që kalonte nëpër zonën e Surrey, duke dëmtuar pronën dhe pemët.

Në prag të Krishtlindjeve, vendi është zhytur në ujë, çka ka krijuar një kaos të vërtetë në qarkullimin e mjeteve të transportit.

Parashikohet që reshjet të vijojnë me intensitet më të lartë gjatë fundjavës, duke shtuar edhe më tej problemet.

Moti i keq do të përfshijë më së shumti jugun e Anglisë, ku do ketë sasi të mëdha reshjesh.