Presidenti Joe Biden, është zotuar të hakmerret për vdekjen e 13 trupave amerikane dhe dhjetëra afganëve në aeroportin e Kabulit, një sulm që e futi Shtëpinë e Bardhë më thellë në krizë mbi një përfundim kaotik dhe vdekjeprurës të një lufte 20 vjeçare.
“Ne do t’ju gjejmë dhe do t’ju bëjmë të paguani”, u tha Biden ekstremistëve përgjegjës në një fjalim emocional pas bombardimit.
“Ne do të përgjigjemi me forcë dhe saktësi në kohën tonë, në vendin që zgjedhim”.
Ndjekja e grupeve ekstremiste në Afganistan, duke përfshirë al-Kaidën dhe ISIS-in, do të jetë më e vështirë pa asnjë forcë amerikane në terren dhe mungesë të një rrjeti të inteligjencës amerikane që është tërhequr si pjesë e premtimit të Biden për t’i dhënë fund asaj që ai e quajti një luftë të përjetshme.
Biden është zotuar, megjithatë, se do të përmbajë çdo kërcënim ndaj Shteteve të Bashkuara nga Afganistani duke e monitoruar atë me avionë dhe asete të tjera të bazuara jashtë vendit, raporton AP.
Në paraqitjen e tij në Shtëpinë e Bardhë, Biden kërkoi një minutë heshtje për të nderuar anëtarët e shërbimit, duke ulur kokën, dhe urdhëroi që flamujt e SHBA-ve të bien në gjysmështizë në të gjithë vendin.
13 anëtarët e shërbimit që vdiqën përfshijnë 10 marinsa, një marinar të Marinës dhe një ushtar të Ushtrisë. Ushtria nuk ka identifikuar ende asnjë prej tyre ose nuk ka dhënë një lidhje shërbimi për viktimën e mbetur.
