Ish-kryeministri i Shqipërisë, Sali Berisha i është drejtuar sot mbështetësve të tij, rreth përjashtimit të 19 deputetëve të PD-së për 10 ditë nga Kuvendi, duke e cilësuar si provokacion të rëndë ndaj opozitës.
“Parlamenti i turpit që nuk ka ekzistuar kurrë që nga koha e diktaturës, përjashtoi në një akt turpi, të mirëfilltë diktatorial, në një akt të vërtetë frike, 19 deputetë, përfaqësues të popullit opozitar vetëm e vetëm se ata po qëndrojnë siç po qëndroni ju këtu në emër të të vërtetës”, tha Berisha.
Ai ftoi që të dilet në protesta dhe në mosbindje civile, pasi sipas tij, shqiptarët nuk meritojnë kurrë një kryeministër që i vë drynin parlamentit vetëm për të shpëtuar nga transparenca, nga hetimi që meriton.
