Deputeti i AAK-së, Bekë Berisha, sot në Kuvendin e Kosovës ka bërë një kërkesë për Qeverinë, raporton Gazeta Sinjali.
Ai i ka kërkuar Qeverisë që të veprojë me rritjen e pagës minimale.
Berisha pati porosi për Ekzekutivin lidhur me veteranët e luftës si dhe kërkoi që të mundësohet tërheqja e mjeteve nga Trusti.
“Veproni si me rritjen e pagës minimale dhe mos gaboni t’i largoni veteranët nga paga minimale. Silleni Ligjin e Pagave, silleni Trustin për të siguruar mirëqenie minimale në këtë kohë krize”, tha ai.
Gjendja sipas tij është e jashtëzakonshme dhe Berisha tha se Qeveria duhet ta trajtojë seriozisht.
