Kryetari i Partisë Demokratike, Lulzim Basha, në një ditë me tension dhe me sytë e mbështetësve demokratë të drejtuar nga ai, është kursyer për të dhënë përgjigje në lidhje me akuzat që i erdhën nga Sali Berisha, pas përjashtimit të këtij të fundit nga PD-ja.

Basha me pak fjalë ka thënë se PD-ja ka një armik, Edi Ramën.

“Ka vetëm një armik dhe ai është Edi Rama”, ka thënë Basha për gazetarët që i kërkuan një prononcim, raporton Lapsi.al, përcjell Gazeta Sinjali.

Ai ka refuzuar që të tregojë nëse ka pasur presione për të përjashtuar nga grupi i PD-së, Sali Berishën. /GazetaSinjali/