image Autoritetet e Ukrainës ndalojnë evakuimin e civilëve, akuzojnë Rusinë për shkelje të armëpushimit

Botë

Autoritetet e Ukrainës ndalojnë evakuimin e civilëve, akuzojnë Rusinë për shkelje të armëpushimit

news image

Edhe pse Rusia dhe Ukraina u pajtuan që sot të ketë armëpushim në qytetin e Mariupolit, në mënyrë që banorët të largohen nga vendi, një gjë e tillë siç duket nuk po ndodhë.

Autoritetet ukrainase kanë ndalur evakuimin e civilëve, pasi që sipas tyre Rusia nuk i ka ndalur sulmet, shkruan CNN, transmeton Gazeta Sinjali.

Nënkryetari i qytetit Mariupol pretendoi se rusët nuk po respektojnë armëpushimin duke bombarduar dhe duke përdorur artileri.

“Rusët po vazhdojnë të na bombardojnë dhe përdorin artileri. Është një çmenduri“, tha nënkryetari i Mariupolit, Serhiy Orlov.

Kurse, pak më parë, Iryna Vereshchuk, Ministrja ukrainase e Riintegrimit të Territoreve të Pushtuara Përkohësisht, tha se forcat ruse po përdorin ndalimin e luftimeve për të cilat ishte rënë dakord për të çuar përpara trupat e tyre.

“Raporti ynë ushtarak tregon se në zonën e rrugës së deklaruar  të korridorit të evakuimit trupat ruse po përdorin armëpushimin dhe po ecin përpara”, tha Vereshchuk.

/Gazeta Sinjali/