Në pjesën më të madhe të vendit, Austria i ka dhënë fund kufizimeve të bllokimit për personat që e kanë marrë vaksinën. Vendimi erdhi pas tri javë të rivendosjes së rregullave të rrepta për të luftuar valën në rritje të infeksioneve me koronavirus.
Rregullat, të cilat ndryshojnë sipas rajonit brenda vendit, lejojnë kryesisht rihapjen e teatrove, muzeve dhe vendeve të tjera kulturore dhe argëtuese të dielën. Dyqanet do të vijojnë të hënën.
Disa rajone po rihapin restorantet dhe hotelet të dielën, ndërsa të tjerët do të presin deri në fund të muajit. Në të gjitha rastet, do të ketë orë policore nga ora 23:00 për restorantet dhe do të kërkohen ende maska në transport publik, e brenda dyqaneve dhe hapësirave publike.
Personat e pavaksinuar do t’i nënshtrohen kufizimeve të bllokimit dhe duhet të qëndrojnë në shtëpi për të gjitha, përveç për blerje të sendeve ushqimore, shkuarje te mjeku ose stërvitje.
