Një atentat me armë zjarri ka ndodhur paraditen e sotme në Shijak, ku është qëlluar nga një makinë në lëvizje.
Mediat shqiptare raportojnë se është qëlluar me breshëri arme ndaj djalit të një oficeri të policisë, Orlando Petkola.
Ky i fundit fatmirësisht ka arritur që t’i shpëtojë atentatit pa marrë lëndime.
Në momentin kur është qëlluar ndaj tij, edhe Petkola ka qenë duke lëvizur me makinë, dhe manovrat e bëra i kanë shpëtuar jetën.
Ende nuk dihen motivet e këtij atentati, ndërkohë që policia ka ngritur disa postblloqe në zonë, me qëllim identifikimin dhe kapjen e autorëve.
Vetë Petkola është duke u marrë në pyetje, me qëllim zbardhjen e ndonjë konflikti të mundshëm, apo dyshimesh që mund të ketë në lidhje me autorët.
