Zelanda e Re ka hequr pothuajse të gjitha kufizimet kundër COVID-19 pasi nuk ka asnjë rast aktiv në tërë vendin, raporton BBC, transmeton Gazeta Sinjali.
Në mesnatën e kohës lokale (12:00 GMT), e gjithë Zelanda e Re u zhvendos në nivelin një, më të ultën e një sistemi alarmi me katër nivele.
Në bazë të rregullave të reja, distancimi shoqëror nuk kërkohet dhe nuk ka kufizime për tubimet publike, por kufijtë mbeten të mbyllur për të huajt.
Po ashtu, Zelanda e Re nuk ka raportuar asnjë rast të ri COVID-19 për më shumë se dy javë.
Ndërsa, kryeministrja Jacinda Ardern, u tha gazetarëve se ajo bëri “një vallëzim të vogël” kur iu tha se vendi nuk kishte më asnjë rast aktiv me virus.
“Ndërsa jemi në një pozitë më të sigurt, më të fortë, ende nuk ka asnjë rrugë të lehtë për t’u kthyer në jetën para-COVID, por vendosmëria dhe përqendrimi që kemi pasur në përgjigjen tonë shëndetësore tani do t’i jepet rindërtimit tonë ekonomik”, tha Ardern.
“Nuk mund të mohohet se kjo është një moment historik. Pra, a mund ta përfundoj me një shumë të thjeshtë,” Faleminderit, Zelanda e Re “, përfundoi ajo.
