Brazili e hapi suksesshëm kampanjën e Botërorit 2022 të Katarit.
‘SambaBoys’ mposhtën me rezultat 2-0 Serbinë, në një ndeshje ku rezultati kishte mund të ishte shumë më i thellë.
Richarlison ishte protagonisti kryesor i ndeshjes, ku i realizoi të dy golat për kombëtaren braziliane (62′ 73′), me të fundit i cili ishte spektakolar i realizuar në mënyrë akrobatike.
Rezultati sidoqoftë mund të kishte qenë më i thellë, pas rasteve të panumërta që pati Brazili.
Brazilianët kishin në total 24 goditje, 10 prej të cilave ishin në portë, karshi vetëm 4 të Serbisë, prej të cilave asnjëra nuk erdhi në portë.
Gjithashtu, Brazili kishte 59% posedimin e topit, karshi 41% të Serbisë.
Portieri serb kishte punë duke pritur 8 goditje, kurse Alisson ishte i “papunë” pasi nuk kishte asnjë pritje.
