Kuvendi i Kosovës ka paralajmëruar se do të mbajë sot seancë plenare, duke filluar nga ora 10:00. Por edhe pse kanë kaluar më shumë se 20 minuta, seanca ende nuk ka filluar, shkruan Gazeta Sinjali.
Në mesin e pikave të rendit të ditës është debati parlamentar i thirrur nga Partia Demokratike e Kosovë për organizimin e arsimit në të gjitha nivelet në situatën e pandemisë COVID-19.
Po ashtu, në këtë seancë do të shqyrtohen edhe rekomandimet e Komisionit për Ekonomi, Industri, Ndërmarrësi dhe Tregti në lidhje me kërkesat e Ndërmarrjes Publike “KOSTT” për sigurimin e mjeteve financiare për mbulimin e humbjeve në komunat veriore të vendit.
Rendi i ditës:
1. Deklarimet jashtë rendit të ditës;
2. Pyetjet parlamentare;
3. Miratimi i procesverbalit nga seanca e mëparshme;
4. Debat parlamentar në lidhje me organizimin e arsimit në të gjitha nivelet në situatën e pandemisë COVID-19;
5. Shqyrtimi i rekomandimeve të Komisionit për Ekonomi, Industri, Ndërmarrësi dhe Tregti në lidhje me kërkesën e NP KOSTT për sigurimin e mjeteve financiare për mbulimin e humbjeve në pjesën veriore të Kosovës.
