Rënia e temperaturave tek disa njerëz shoqërohet me dhimbje dhe therje të shpatullës.

Temperaturat kanë një ndikim të fortë në organizëm, duke përfshirë këtu edhe çrregullimet dhe dhimbjet e muskujve, sidomos në regjionin e qafës dhe shpatullës.

Nëse e keni vërë re, kur bën ftohtë tendenca për të mbledhur supet është e natyrshme dhe ndodhë pa vetëdije. Lëvizjet e kufizuara fizike e shkaktojnë ngurtësimin e muskujve, i cili rezulton me dhimbje.

Mirëpo, si mund ta shmangi këtë dhimbje?

Sipas Agroweb, aktiviteti i rregullt fizik gjatë dimrit mirëmban qarkullimin e gjakut dhe mundëson relaksimin e muskujve. Sipas ekspertëve, aktiviteti i rregullt fizik, ecja, vrapimi dhe palestra do t’iu ndihmojnë në lehtësimin e dhimbjes dhe në relaksimin e muskujve.

Nëse e vëreni se edhe pas aktivitetit të rregullt fizik dhimbja nuk kalon, keni ënjtje, temperaturë apo skuqje t lëkurës, atëherë është mirë të konsultoheni me një mjek./Gazeta Sinjali/